«Կիրկորովով, Սոբչակով չստացվեց, հիմա էլ Աղազարյանին են ուղարկել»․ Արման Եղոյան

«Կիրկորով, Սոբչակ, Իգոր Կրուտոյով չստացվեց, հիմա էլ Աղազարյանին են ուղարկել այստեղ, որ Հայաստանի դեմ սուտ մատնություն տա»,- ԱԺ նիստում տեղի ունեցած միջադեպից հետո իր ելույթում ասաց ՔՊ պատգամավոր Արման Եղոյանը։

«Պաշտոնյա, ով ՀՀ Սահմանադրությամբ ներկայացնում է ամբողջ ժողովրդին, հելել և ՀՀ-ի դեմ սուտ մատնություն է տալիս։ Սա ամոթ է։ Սա հանցավոր գործունեություն է ՀՀ-ի դեմ»,- նշեց Եղոյանը և, դիմելով «Հայաստան» և «Պատիվ ունեմ» խմբակցություններին, ասաց․ «Լավ ա գոնե դուք տենց բաներ չեք ասում, ամենազազրելի մասը թողել են պարոն Աղազարյանի վրա»։
Հիշեցնենք Հովիկ Աղազարյանը իր ելույթում ասել էր, որ փորձ է արվում ՀԷՑ-ի պետականացումով հակառուսական տրամադրությունները խորացնել, որպեսզի «մենք շրջվենք դեպի Արևմուտք՝ ՌԴ-ի հետ խռովելով»։

«Իսկ Արևմուտքը սկսվում է Թուրքիայից, Թուրքիան էլ որպեսզի մենք սկսենք իր հետ Արևմուտք գնալ, կասի 300 հազար փախստականներ գան, որից մի չնչին մասը կգա ՀՀ, և բոլորդ գիտեք, թե ինչ տեղի կունենա։ Հետևաբար կոչ եմ անում ռուսական կողմին չտրվել մեր սադրանքներին»,- ընդգծել էր Աղազարյանը։

ՔՊ-ական Արման Եղոյանը տեղից ամոթանք էր տվել, որից հետո քաշքշուկ էր սկսվել, Աղազարյանը ջրի շիշը նետել էր ՔՊ-աականների ուղղությամբ։