«Նոր Սահմանադրության շատ հիմնադրույթների վերաբերյալ որոշակիություն կա»․ Սրբուհի Գալյան

«Նոր Սահմանադրությունը մշակման փուլում է։ Որոշել ենք առաջիկա երկու շաբաթների ընթացքում խորհրդի նիստ հրավիրենք և հրապարակային քննարկումներ անենք»,- ճեպազրույցի ժամանակ ասաց Արդարադատության նախարար Սրբուհի Գալյանը։

Նա նշեց, որ ամբողջական տեքստը պատրաստ չէ, խորհրդի նիստին տեքստի մշակմանն ուղղված գաղափարական հիմնադրույթների շուրջ պետք է քննարկումը տեղի ունենա։

«Շատ հիմնադրույթների վերաբերյալ որոշակիություն արդեն կա, որոշների հետ կապված որոշակիություն չկա, դա պետք է ձևավորվի քննարկումների արդյունքում»,- հավելեց Գալյանը։