«Ոչ թե «դուխով», այլ՝ «մեր ձևով»․ Սամվել Կարապետյանի որդու ուղերձը

Գործարար Սամվել Կարապետյանի որդին տեսաուղերձով դիմել է հանրությանը՝ շնորհակալություն հայտնելով բոլոր նրանց, ովքեր կանգնած են իրենց ընտանիքի կողքին․ «Դա, իրոք, մեզ ուժ է տալիս՝ պայքարել ճշմարտության, մեր ընդհանուր ճշմարտության, մեր իրավունքների, ի վերջո մեր արժանապատվության համար։ Փոքրիկ խմբակն ուզում է տարածել իր վախը մեզ վրա, սահմանափակել մեր ազատությունը, դարձնելով դատական պրոցեսն ուղղակի աբսուրդ։ Բայց գիտեք, ազատությունն ուղղակի բառ չէ, ազատությունը մտածելակերպ է։

Իմ հայրը, գտնվելով բանտում, հազար անգամ ավելի ազատ է, քան իրենք բոլորը միասին: Արդարության ճանապարհն առաջարկում եմ գտնենք միասին, կողք կողքի: Վաղը՝ հուլիսի 4-ին, այն օրն է, երբ-որ կամք չունեցող դատավորը կերկարացնի հորս կալանքի ժամկետը, իսկ բոլորին հրավիրում եմ միանալ մեր խաղաղ երթին: Թող մեր ձայնը լինի լսելի, ու թող՝ արդարությունը հաղթի․․․ Վերջում ուզում եմ ասել «դուխով», բայց սրանք այս գեղեցիկ բառն էլ են վարակել, դրա համար կասեմ՝ «մեր ձևով»»,-ասել է նա: