«Այս անգամ խոսքը ոչ թե մեկ զիջման, այլ՝ ամբողջական կորուստների մասին է»․ Հենրիխ Դանիելյան

ՀՀԿ երիտասարդական կազմակերպության ղեկավար Հենրիխ Դանիելյանի ֆեյսբուքյան գրառումը․ «Փաշինյանը մեկ անգամ արդեն քայլեց արևմտյան «պլանով»՝ փաստացիորեն հանձնելով Արցախը Ադրբեջանին։ Այսօր էլ ակտիվ գործընթաց է ընթանում ճանապարհների ապաշրջափակման և այսպես կոչված «խաղաղության պայմանագրի» ստորագրման շուրջ, կրկին՝ նույն արևմտյան մոդելով։
Ի՞նչ է այս անգամ պատրաստվում զիջել Փաշինյանը։ Սյունի՞քը։ Հայոց ցեղասպանության ճանաչումից հրաժարվե՞լ։ Սահմանադրությո՞ւնը վերաձևել՝ ի նպաստ արտաքին օրակարգերի։
Կարծում եմ՝ այս անգամ խոսքը ոչ թե մեկ զիջման մասին է, այլ՝ համակարգային և ամբողջական կորուստների։ Սա ազգային ինքնիշխանության և պետականության դեմ ուղղված պլանի նոր փուլն է՝ քողարկված խաղաղության խոստումներով»։