«Նախկին նախագահները կանգնած են տեռորիստական այս ակտի պաշտպանության առաջնագծում»․ Վահագն Ալեքսանյան

«Լևոն Տեր-Պետրոսյանը, նրա հոգեզավակներ Ռոբերտ Քոչարյանը և Սերժ Սարգսյանը և նրանց թիմերն անմիջականորեն կանգնած են տեռորիստական այս ակտի պաշտպանության առաջնագծում՝ առնվազն քարոզչական, գաղափարական և քաղաքական կոնտեքստում»,- Այս մասին ԱԺ-ում ՔՊ-ի նախաձեռնած՝ «Բռնության ճանապարհով պետական իշխանությանը տիրանալու անթույլատրելիության և ժողովրդավարության պաշտպանության մասին» ԱԺ հայտարարության նախագծի քննարկման ժամանակ նշեց ՔՊ պատգամավոր Վահագն Ալեքսանյանը։

«Լևոն Տեր-Պետրոսյանի թիմը, Ռոբերտ Քոչարյանի թիմը և Սերժ Սարգսյանի թիմը, երեքն էլ միաժամանակ պաշտպանության կոչեր են արել, տարբեր կերպ որակումներ են տվել տեռորիստական ակտը պլանավորած անձանց՝ նրանց հաճախ անվանելով նաև քաղբանտարկյալներ, այս սրբապիղծ գործունեության մեկնարկից սկսած աջակցել են, անգամ մասնակից եղել։

Երեք նախկին նախագահների աջակցությունն այս պրոցեսին, քիչ հետո կամրագրվի ԱԺ հայտարարությամբ»,- նշեց պատգամավորը։