Ո՞վ կմտածեր, որ մի օր Հայաստանում կարող էին արքեպիսկոպոսների կալանավորել․ «ՀայաՔվե»

«ՀայաՔվե»-ի թելեգրամյան գրառումը․ «Այս իշխանությունը դարձել է հանցավոր խումբ, և բնականաբար, հասարակության տարբեր շերտեր, այդ թվում՝ եկեղեցականները, կարող են և պարտավոր են պայքարել այս հանցավորության դեմ:

Հայաստանում չի գործում Սահմանադրությունը, իսկ Ազգային անվտանգության ծառայությունը՝ իր նոր տնօրենով, անգործություն է ցուցաբերում:
Մի ժամանակ մենք զարմանում էինք, որ, օրինակ, Արցախի դրոշներն արգելում էին փակցնել տարբեր վայրերում:

Թուրքական տեխնոլոգիաների կիրառմամբ հնարավոր է դառնում Հայաստանում հասնել անհնարին թվացող երևույթներին: Այսինքն՝ սկզբում մարդկանց շոկի են ենթարկում՝ «դոմփելու» պատմության նման, հետո սկսում են վարկաբեկիչ հորինվածքներով մարդկանց սովորեցնել այդ ամենին:

Հանրության մեջ ստեղծում են ընկալում, թե իբր արդեն կարելի է նաև ապօրինի գործողությունների դիմել:
Ո՞վ կմտածեր, որ մի օր Հայաստանում կարող էին արքեպիսկոպոսների կալանավորել՝ իշխանությանը քննադատելու համար»։