ՀՀ ԱԳՆ-ն արձագանքել է Էրդողանի հայտարարությանը
![]() 333 Շաբաթ, 05 հուլիսի, 2025 թ., 17:49 Հայաստանը եղել և մնում է շահագրգռված տարածաշրջանային փոխկապակցվածության ընդլայնման և տնտեսական զարգացման մեջ: Այս մասին «Արմենպրես»-ի հարցին ի պատասխան՝ նշել է ԱԳՆ մամուլի քարտուղար Անի Բադալյանը՝ անդրադառնալով Թուրքիայի նախագահ Ռեջեփ Թայիփ Էրդողանի՝ տրանսպորտային հաղորդակցությունների ապաշրջափակման թեմային վերաբերվող հայտարարությանը։ -Թուրքիայի նախագահն այսօր անդրադարձել է տրանսպորտային հաղորդակցությունների ապաշրջափակման թեմային և հիշատակելով «միջանցք» եզրույթը՝ նշել է, որ Հայաստանն այդ հարցում ավելի ճկուն մոտեցում է ցուցաբերում տնտեսական ինտեգրացիային մասնակցելու համար։ Ինչպե՞ս կմեկնաբանեք։ -Հայաստանը եղել և մնում է շահագրգռված տարածաշրջանային փոխկապակցվածության ընդլայնման և տնտեսական զարգացման մեջ: Այդ ըմբռնումով է, որ ՀՀ-ն հանդես է եկել «Խաղաղության խաչմերուկ» նախաձեռնությամբ և դրան համահունչ առանձին գաղափարներով, լուծումներով, կառուցողական առաջարկներով։ Մեր կարծիքով, դրանք կարող են փոխշահավետ արդյունքներ ապահովել ինչպես տարածաշրջանի երկրների, այնպես էլ ավելի լայն աշխարհագրությամբ հաղորդակցությունների ցանցի զարգացմամբ հետաքրքրված գործընկերների համար: Ինչպես նախկինում, այժմ ևս տարածաշրջանում տրանսպորտային ենթակառուցվածքների ապաշրջափակման ՀՀ տեսլականը խարսխված է հիմնարար սկզբունքների՝ ինքնիշխանության, կապուղիների նկատմամբ ազգային իրավազորության վրա, և ինչպես հայտնի է, չի ենթադրում այլ տրամաբանություն։ Շահագրգիռ գործընկերների հետ քննարկումները շարունակվում են։ Աղբյուրը` ՀՀ պաշտպանության նախարարություն |
«Հոսանքի, ջրի ու գազի անջատումներով մեզ նախապատրաստում են մութ ու ցուրտ ձմեռներին». Ստեփան Դանիելյան
9611:00«ԱՄՆ-ն պետք է փոխհատուցի պատճառված վնասը»․ Արաղչի
9510:51«Կարմիր Խաչի միջազգային կոմիտեի Բաքվի ներկայացուցչության փակումը վտանգավոր է»․ Տիգրան Աբրահամյան
11610:18««Դարպաս բացելը» ծախում են որպես հնարավորություն և ոչ որպես դավաճանություն ու վտանգ»․ Վլադիմիր Մարտիրոսյան
12310:06«Զգո՛ւյշ եղիր խոսքերիդ մեջ»․ Թրամփը՝ Մեդվեդևին
9310:00«Կանադան պատրաստվում է ճանաչել Պաղեստինը»․ Քարնի
15209:45Նոր կադրեր՝ Կիևի վրա գիշերվա հարձակումից (տեսանյութ)
15009:33Զոհեր և վիրավորներ՝ Կիևին հասցված հրթիռային հարվածի հետևանքով (տեսանյութ)
14909:21