«Միայն հանձնարարություններ կատարող անձը հակաօրինական բան է վերագրում ինձ»․ Արծվիկ Մինասյան

«Այն, ինչ Գլխավոր դատախազն ասում է, օրենքի հետ որևէ առնչություն չունի։ Եվ, եթե ցածր իրավական պատկերացումներ ունեցող, օրենքները սխալ մեկնաբանող, սխալ հասկացող, միայն հանձնարարություններ կատարող անձը փորձում է հակաօրինական բան վերագրել ինձ, ես սրանից զայրանում եմ»,- ԱԺ-ում իր եզրափակիչ ելույթում ասաց «Հայաստան» խմբակցության քարտուղար Արծվիկ Մինասյանը, ում նկատմամբ քրեական հետապնդում հարուցելուն համաձայնություն տալու մասին միջնորդագիր է ներկայացրել Գլխավոր դատախազը։ «Եթե մի փոքր վերագրելի բան լինի ինձ, ես ամոթ կանեի խոսել, բայց գալ, հպարտ հայացքով նայել և, օրենքը գլխի վրա շուռ տված, ինձ վերագրել բաներ, որոնք իրականության հետ առնչություն չունեն, սա է վրոդվվեցնողը»,- ասաց Մինասյանը՝ մեղադրելով Աննա Վարդապետյանին անգործության մեջ, երբ հարցը վերաբերվում է իշխանականների հակաօրինական քայլերին։