«Ալիևը Նիկոլ Փաշինյանի օրագրում 5 կդնի՝ տնային աշխատանքի համար»․ Նարեկ Գալստյան

Քաղաքագետ, «24Նյուզ»-ի տնօրեն Նարեկ Գալստյանի ֆեյսբուքյան գրառումը․ «Նիկոլ Փաշինյանի այսօրվա հերթական հրապարակումը ոչ այլ ինչ էր, քան Վեհարանի վրա հարձակվելու հրահանգ։ Հաշվի առնելով իր գործելաոճը՝ այսօր-վաղը դիմակավորված անձինք կրկին կներխուժեն Մայր Աթոռ Սուրբ Էջմիածնի տարածք։
Ինչ խոսք, Ալիևը հուլիսյան հանդիպման ժամանակ լավ իրականացրած տնային աշխատանքի համար նրա օրագրի մեջ 5 կդնի։ Իսկ ծերուկ Էրդողանն էլ գորովանքով կժպտա, ձեռքով քաջալերելով կխփի ուսին ու կշշնջա՝ «աֆերիմ, օղլում»։
Այդ ընթացքում հայ ժողովրդի մի մեծ մասը իրար հետ կվիճի, թե արդյո՞ք կուսակրոն է այսինչ հոգևորականը, ընդդիմության տարբեր հատվածներ սոցհարցումներ ու քաղաքական հաշվարկներ կանեն, արևմտյան մի քանի կենտրոններ կողջունեն ժողովրդավարության տրիումֆը Հայաստանում, Մոսկվայում մի քանի անատամ ու հերթապահ հայտարարություն կանեն ու այսպես շարունակ»։