«Իշխանության տեսլականը համապատասխանում է թուրք-ադրբեջանական հակահայկական քաղաքականությանը»․ Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․ «Լսում եմ իշխանության ներկայացուցիչների, իրենց լրատվականների, իրենց խոսացող «գլուխների» մտքի գոհարները և ուղղակի ապշում եմ։ Եթե մի տեղ հավաքել իրենց բոլոր մտքերը, ապա ստացվում է , որ բոլոր նրանք, ովքեր համաձայն չեն իրենց պնդումներին՝ կապված Եկեղեցու հանդեպ իրականացվող գործընթացների հետ , ապա այդ բոլոր հայերը տեռորիստ են և «պետության» դեմ են։
Նույնը բառացի պնդում են ադրբեջանցիները և թուրքերը։ Այս պարագայում ունեմ երեք հարց։
1․ Ինչո՞ւ են իշխանական և թուրք-ադրբեջանական տեսլականները Հայոց Եկեղեցու վերաբերյալ լրիվ իրար համընկնում։
2․ Համաձայն վերը նշված իշխանական տրամաբանությանը , արդյո՞ք ստացվում է, որ Հայաստանի Հանրապետության քաղաքացիների բացարձակ մեծամասնությունը տեռորիստ է։
3․ Կոնկրետ, ո՞ր պետության շահերի պահպանման մասին են խոսում իշխանությունները, եթե իրենց տեսլականը լիովին համապատասխանում է թուրք-ադրբեջանական հակահայկական քաղաքականությանը։