«Դատախազի հայտարարությունը չի համապատասխանում գործի փաստական հանգամանքներին»․ Էդուարդ Հովհաննիսյան

268

Երկուշաբթի, 07 հուլիսի, 2025 թ., 22:12

Փաստաբան Էդուարդ Հովհաննիսյանը գրում է. «ՀՀ գլխավոր դատախազը, ԱԺ-ում պատգամավոր Արթուր Սարգսյանին անձեռնմխելիությունից զրկելու հարցի քննարկման ժամանակ, հայտարարեց, թե իբր 2025 թվականի սեպտեմբերին պլանավորված են եղել որոշ գործողություններ։ Այնուամենայնիվ, քրեական վարույթի շրջանակներում նման տվյալ ընդհանրապես գոյություն չունի։ Դատախազի այս հայտարարությունը ոչ միայն չի համապատասխանում գործի փաստական հանգամանքներին, այլև վկայում է մանիպուլյատիվ նպատակադրվածության մասին։
Երբ երկրի գլխավոր դատախազը գիտակցաբար օգտագործում է փաստական հիմք չունեցող ձևակերպումներ՝ փորձելով ազդել թե՛ քաղաքական, թե՛ հասարակական ընկալումների վրա, դա լուրջ հարված է իրավական համակարգի վստահությանը»։

Աղբյուրը` Էդուարդ Հովհաննիսյան