Թրամփը մաքսատուրքեր է սահմանում Ղազախստանից ներմուծվող ապրանքների վրա

ԱՄՆ-ն օգոստոսի 1-ից Ղազախստանից ներմուծվող ապրանքների վրա կսահմանի 25% մաքսատուրք։ Այս մասին հայտարարել է ԱՄՆ-ի նախագահ Դոնալդ Թրամփը։

Սպիտակ տան ղեկավարը Truth Social-ում հրապարակել է Ղազախստանի նախագահին ուղղված հաղորդագրությունների տեքստերը, որոնցում նշված է մաքսատուրքերի այս մակարդակը։ Նշվում է, որ եթե Աստանան որոշի պատասխան մաքսատուրքեր սահմանել Վաշինգթոնի նկատմամբ, Միացյալ Նահանգները կբարձրացնի Ղազախստանի նկատմամբ իր մաքսատուրքը։ Այն կբարձրանա այնքանով, որքանով Աստանան կորոշի սահմանել, զգուշացրել է Թրամփը։

Ավելի վաղ հաղորդվել էր, որ ԱՄՆ-ի նախագահ Դոնալդ Թրամփը հայտարարել է օգոստոսի 1-ից Ճապոնիայից և Հարավային Կորեայից ներմուծվող ապրանքների վրա Միացյալ Նահանգների կողմից 25% մաքսատուրքեր սահմանելու մասին։