«Փոքրիկ խմբակի բարդութավորված առաջնորդը խուճապի մեջ է»․ Վահագն Չախալյան

Փաստաբան Ալեքսան Թումասյանը ֆեյսբուքյան էջում հրապարակել է հասարակական, քաղաքական գործիչ Վահագն Չախալյանի ուղերձը «Նուբարաշեն» ՔԿՀ-ից. «Բարև բոլորին, նախ ուզում եմ շնորհակալություն հայտնել բոլոր նրանց, ովքեր անտարբեր չեղան այս օրերին, ովքեր անհանգստացան ինձ համար, ուզում եմ տեղեկացնել որ ես պինդ եմ Աստծով, ավելի պինդ քան երեկ էի, ցանկանում եմ, որ Աստված ձեզ էլ զորացնի, զորացեք և լցվեք համբերությամբ, հաղթանակը միշտ էլ համառներին է տրվում: Բանաձևը հստակ է՝ համահայկական կոնսենսուս, մինուս՝ փոքրիկ խմբակ:
Իրականում գուցե շատերիդ թվա, թե այս անօրինական ձերբակալությունների անփառունակ շքերթը նրա շահառուի հզորության և անպարտելիության արգասիք են, սակայն ուղիղ հակառակն է, այս ամենը խոսում է մեկ բանի մասին, որ փոքրիկ խմբակի բարդութավորված առաջնորդը խուճապի մեջ է...
Նահանջ չկա, պայքարը մտնում է նոր վճռական փուլ, թող Աստված պահի Սուրբ Էջմիածինը և Հայաստանը ...»:

Հիշեցնենք՝ Վահագն Չախալյանը հուլիսի 5-ին երկու ամսով կալանավորվել է։