ՔՊ-ում չեն ցանկացել «կողմ» քվեարկել դատախազի միջնորդությանը Արծվիկ Մինասյանի վերաբերյալ. «Ժողովուրդ»

«Ժողովուրդ» օրաթերթի աղբյուրները փոխանցել են, որ երեկ թեժ է անցել ԱԺ «Քաղպայմանագիր» խմբակցության փակ նիստը:
«Մենք տեղեկացանք, որ երբ ՔՊ-ականները դռնփակ ձևաչափով քննարկել են ԱԺ «Հայաստան» խմբակցության ղեկավար Սեյրան Օհանյանին և քարտուղար Արծվիկ Մինասյանին անձեռնմխելիությունից զրկելու վերաբերյալ քվեարկության հարցը, ՔՊ-ական պատգամավորները միակարծիք չեն եղել:
Ըստ մեր աղբյուրների՝ ՔՊ-ական պատգամավորներից շատերը դեմ են եղել ՀՅԴ-ական Արծվիկ Մինասյանի վերաբերյալ դատախազի միջնորդությանը կողմ քվեարկելու հարցին: Իշխանական պատգամավորների մեծ մասը պնդել է, որ Սեյրան Օհանյանին կարող են զրկել անձեռնմխելիությունից, բայց Արծվիկ Մինասյանի դեպքում դա անարդար կլինի, քանի որ, ամեն դեպքում, դատախազի փաստարկները հիմնավոր չեն եղել:

Սակայն ՔՊ-ականների՝ միջնորդությանն առարկող կողմը մեծամասնություն չի կազմել, ու ի վերջո հայտարարվել է, որ կքվեարկեն այնպես, ինչպես, որոշվել է ի սկզբանե: Ասել է թե՝ ԱԺ ՔՊ խմբակցությունը պետք է քվեարկի Նիկոլ Փաշինյանի ՍՄՍ-ին համահունչ՝ առանց սեփական կարծիքի դրսևորման:

Արդյունքում, չնայած նրան, որ շատերը դեմ են եղել Արծվիկ Մինասյանին անձեռնմխելիությունից զրկելուն, ստիպված են եղել կողմ քվեարկել»:

Մանրամասները՝ թերթի համարում: