«Հանդիպումը չի լուծում կարգավորման իրական խոչընդոտները»․ Սուրեն Սուրենյանց
![]() 266 Երեկ, 17:00 Քաղաքագետ Սուրեն Սուրենյանցի ֆեյսբուքյան գրառումը․ «Առաջին տպավորություն՝ Աբու Դաբիի հանդիպումից Աբու Դաբիի հանդիպումը չի լուծում կարգավորման իրական խոչընդոտները։ Կողմերը շարունակում են քայլել բարակ սառույցի վրայով՝ պահելով երկխոսությունը, բայց չանդրադառնալով բովանդակային հաշտեցման հարցերին, համենայն դեպս՝ հաղորդագրության տեքստում: Քննարկվել են կարգավորման «տարբեր ասպեկտներ», արձանագրվել է «առաջընթաց սահմանազատման գործընթացում», բայց բովանդակային հարթության վրա շրջանցվել են հակադրության կամ պատերազմի առիթ տվող հարցերը՝ կոմունիկացիաների ապաշրջափակում, Ադրբեջանի տարածքային ագրեսիվ հավակնություններ, դելիմիտացա/ դեմարկացիա: Ավելին, Փաշինյան-Ալիև հանդիպմանը զուգահեռ, Հայաստանի ԱԳ փոխնախարը հանդես է եկել մի հայտարարությամբ, որն առնվազն հուշում է՝ Աբու Դաբիի հանդիպումից հետո տարածված հաղորդագրությունն ավելի շատ ընդհանրական դիվանագիտական տեքստ է, որը գուցե քողարկում է Փաշինյան-Ալիև զրույցի բուն բովանդակությունը: «Սկզբունքների պահպանման դեպքում Հայաստանը դեմ չէ Սյունիքի ճանապարհի արտապատվիրակմանը»,- ասել է փոխնախարար Մնացական Սաֆարյանը՝ ըստ էության, վերահաստատելով ամերիկյան բացահայտված առաջարկության փաստը: Փաստացի, Աբու Դաբիի հանդիպման գլխավոր ուղերձն այն է, որ պատերազմը չի վերսկսվում այս պահին։ Սակայն խաղաղություն նույնպես չկա։ Իսկ երբ գործընթացը սահմանափակվում է միայն «շարունակելու» մտադրությամբ՝ առանց հարցերին առերեսվելու, դա այլ բան չէ, քան քաղաքական ժամանակ շահելու փորձ։ Ընդ որում, այդ «ժամանակը» Փաշինյանին և Ալիևին պետք է միանգամայն տարբեր պատճառներով»: Աղբյուրը` Սուրեն Սուրենյանց |
«ԵՄ-ն և Ուկրաինան պարտվել են, բայց դա խոստովանելու քաջություն չունեն»․ Օրբան
5912:35«Հայկական Սփյուռքը վերադառնում է հայաստանյան իրականություն»․ Նարեկ Կարապետյան
6512:24«Հունաստանի հանգիստը տակնուվրա է եղել»․ Ալեն Սիմոնյան
11712:00«ԵՄ-ն ողջունում է Աբու Դաբիում կայացած հանդիպումը»․ ԵՄ բարձր ներկայացուցիչ
10211:28«Ռուբեն Վարդանյանին մերժել են տրամադրել լիարժեք հասանելիություն գործի նյութերին»․ Սիրանուշ Սահակյան
9811:22«Մենք չենք հանձնվի»․ Մերցը՝ Պուտինին
11811:04«ՌԴ-ն պատրաստ է նպաստել Երևան-Բաքու հարաբերությունների կարգավորմանը»․ Գալուզին
13610:40«Արթուրի գործունեությունը որևէ առնչություն չունի այդ հոդվածի հետ»․ Տիգրան Աբրահամյան
11310:30