«Վաշինգթոնը փորձում է իր «քավորության» տակ վերցնել հայ-ադրբեջանական բանակցությունները»․ Արգիշտի Կիվիրյան

«Հայաստանի և Ադրբեջանի միջև բանակցությունների հետևում երևում են ԱՄՆ-ի ականջներ, ինչքան էլ, որ հայտարարվի, թե երկկողմ բանակցություներ են ընթանում»,-այս մասին «Նյուզ»-ի հետ հարցազրույցում նշել է քաղաքական վերլուծաբան Արգիշտի Կիվիրյանը՝ կարծիք հայտնելով, որ ԱՄՆ-ն ստվերային ներգրավվածություն ունի այդ գործում, բայց դա հրապարակային բնույթ չի կրում։

«Վաշինգթոնը փորձում է իր «քավորության» տակ վերցնել հայ-ադրբեջանական բանակցությունները, որովհետև դա իր համար ունի ստրատեգիական նշանակություն․ այս տարածաշրջանում իր ազդեցությունն ամրապնդելու և փաստաթուղթը ստորագրելու դեպքում Հայաստանով անցնող, այսպես կոչված, «Զանգեզուրի միջանցքն» իր վերահսկողության տակ վերցնելու համար»,- նշեց Կիվիրյանը։

Նրա դիտարկմամբ՝ կողմերը բանակցել են, թե ինչպես է հայկական կողմը կատարելու ադրբեջանական կողմի պահանջները՝ ինչ հերթականությամբ, ինչ փուլերով՝ սկսած Սահմանադրության փոփոխությունից։

Առավել մանրամասն՝ տեսանյութում։