«Չեմ տեսնում հիմքեր, որոնք թույլ կտան արցախցիներին մեղադրել ՀՀ-ում հեղաշրջում կատարելու մեջ»․ Գագիկ Բաղունց

«Ես չեմ տեսնում հիմքեր, որոնք թույլ կտան արցախցիներին մեղադրել ՀՀ-ում հեղաշրջում կատարելու մեջ»,- այս մասին Ազատության հրապարակում լրագրողների հետ զրույցում ասաց Արցախի ԱԺ փոխնախագահ Գագիկ Բաղունցը՝ հավելելով, որ հանրահավաքը խնդիրների լուծման համար պայքարի միջոցներից մեկն է։

Նրա խոսքով՝ արցախցիների զգալի մասը փորձում է ամեն ինչ անել, որպեսզի օրինական ճանապարհով հասնի սոցիալ-տնտեսականից մինչև քաղաքական հարցերի լուծման և արցախահայության հավաքական վերադարձի իրականացման։

«Օգտագործվում են բոլոր իրավական մեխանիզմները, որպեսզի հարցերը ստանան լուծում, հանրահավաքը այդ ուղղությամբ պայքարի մի մասն է»,- հավելեց Բաղունցը։