«Ընդդիմությունը փորձում է արցախցիներին օգտագործել որպես քաղաքական մատերիալ»․ Տարոն Չախոյան

Գիտե՞ք, որ անօթևան մնացած արցախցիներ կան արդեն, քանի որ բնակվարձը կրճատվել է։ Լրագրողների այս հարցն ուղղված էր վարչապետի աշխատակազմի ղեկավարի տեղակալ Տարոն Չախոյանին։ Ի պատասխան նա ասաց, որ Կառվարությունը տևական ժամանակ զբաղվում է արցախցիների խնդիրներով։ «Նորմալ ապահովել մեկի համար մի բան է նշանակում, մեկի համար՝ մեկ այլ։ Մեկի համար նշանակում է ենթադրենք 1 մլն դրամ աջակցություն, մյուսի համար՝ 100 հազար դրամ»,- ասաց Չախոյանը։
Դիտարկմանը, թե 1 մլն ոչ ոք չի ուզում, խոսքը 40+10-ի մասին է, Չախոյանը պատասխանեց, որ ՀՀ-ն տևական ժամանակ իր աջակցությունը իրականացրել է։
Հարցին՝ Արցախցիների վերադարձի հարց կա՞ օրակարգում, նա պատասխանեց․ «Իսկ ինչքա՞ն է իրատեսական վերադարձը։ Իշխանությունը հասկանում է, որ անվտանգային խնդիրներ կան, որոնց կբախվեն արցախցիները»։
Տարոն Չախոյանը նաև կրկնեց իր այն խոսքերը, որ «ընդդիմությունն ամեն կերպ փորձ է անում արցախցիներին օգտագործել որպես քաղաքական մատերիալ հակաիշխանական ցույցերի համար»։