«Պարզվում է՝ Փափազյան Դավիթը մեղադրվում է պաղեստինցիների էթնիկ զտում կազմակերպելու մեջ»․ Արթուր Դանիելյան

«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը․«Պարզվում ա՝ մեր բոլորիս կողմից արդեն շատ սիրված ԱՆԻֆ-ի ղեկավարը՝ Փափազյան Դավիթը, ԱՆԻՖ-ի 70 միլիոն դոլարը քամուն տալուց հետո անցել ա գործի մի հիմնադրամում, որը ստեղծել են ԱՄՆ-ն ու Իսրայելը համատեղ: Հիմնադրամի նպատակն էր Պաղեստինի ժողովրդի պարենային խնդիրները լուծելը: Բնական է՝ դա իրականում նշանակում է, որ իրական առաքելությունը պաղեստինցիքին սովամահության դատապարտելն էր, ինչն էլ փայլուն իրագործվել է: Ընդ որում, սրանք գործում են առանձնահատուկ ցինիզմով. օրինակ՝ հայտարարում են օգնություն բաժանելու հասցեն ու բառիս բուն իմաստով գնդակահարում են բոլոր նրանց, ովքեր այդ հասցեով գալիս են սնունդ ստանալու: Հիմա էս մեր մեծարգո հայրենակցին, ով այդ հիմնադրամի տնօրեններից է, մեղադրանք է առաջադրվել էթնիկ զտում կազմակերպելու մեջ:
Համաձայնեք՝ բավականին տարօրինակ զուգադիպություն է, երբ նույն անձը մի քանի տարվա ընթացքում առանցքային դեր է ստանձնում երկու՝ թվում է թե իրարից անկախ տարածաշրջաններում, ու երկուսում էլ էթնիկ զտում է տեղի ունենում: Պատահականությունների շղթան էլ ավելի զարմանահրաշ է դառնում, երբ հաշվի ես առնում, որ սույն անձը երջանկահիշատակ նախագահ Արմեն Սարգսյանի սանիկն է: Այո՛․ հենց British Petrolium-ի Արմեն Սարգսյանի...
Հանրային դիսկուրսում «թուրք-ադրբեջանական հեղաշրջման» եզրույթը այնքան է արմատացել, որ շատերի ուշադրությունից վրիպում է այն ՓԱՍՏԸ, որ Բաքուն (և ինչ-որ չափով Անկարան) ընդամենը մարտավարական խաղաքար են այս տախտակի վրա: Ռազմավարական որոշումները լրիվ այլ տեղ են կայացվում: Ակնհայտ է նաև, որ Արցախի ու Պաղեստինի էթնիկ զտումը նույն տրամաբանական շղթայի մասնիկներ են: Այդ շղթայի մաս է կազմում նաև Հայաստանի ռազմավարական դիրքերի ոչնչացումը, բյուջեն մսխելը, ատոմակայանը փակելը, եկեղեցին կազմաքանդելը: Հայաստանում չպետք է մնա ոչ մի գործող հաստատություն-ինստիտուտ: Այն պետք է վերածվի լոկ տարածքի, որտեղ ի հայտ կգան «ահաբեկչական» խմբավորումներ, որոնց չեզոքացնելու համար էլ այստեղ զորք կմտցվի... ընդ որում, ինչպես ՀԱՄԱՍ-ն էր ի սկզբանե հիմնադրվել Իսրայելի կողմից, այնպես էլ մեր տեղի «ահաբեկիչները» հիմանդրվելու են նույն կենտրոնից: Ռեբրենդինգ եղած «Ծռերը», նույն Բրենդա Շաֆեռի կամ իրա նման մեկի ուղղակի կոորդինացմամբ...
21րդ դարում պարզվեց, որ նախկինում «դավադրության տեսություն» պիտակված բոլոր սցենարները հեչ էլ տեսական չէին, այլ բուն, պրակտիկ դավադրություն: Այս համատեքտում հետաքրքվողները կարող են ուսումնասիրել կանադացի Ջոշուա Հալդեմանի կենսագրությունը, իր կուսակցությունը, հայտարարված օրակարգը: Հալդեմանը մահացել է 1973 թվին, բայց հիմա կենդանի է իր թոռը՝ Իլոն Մասկը»:
Նշենք, որ այսօր «Ֆակտոր»-ը թարգմանությամբ նյութ էր հրապարակել՝ «ԱՆԻՖ-ի նախկին ղեկավար Դավիթ Փափազյանին կասկածում են Գազայում «պատերազմական հանցագործություններին մեղսակից լինելու մեջ» վերտառությամբ։ Նյութի սկզբնաղբյուրը՝ այստեղ։
Նյութում մասնավորապես ասված է․ «Մեծ Բրիտանիայում մարդու իրավունքների Արաբական կազմակերպությունը (AOHR UK) հայտնել է, որ պաշտոնական գրություն է ուղարկել Մեծ Բրիտանիայի ԱԳՆ՝ պահանջելով պատժամիջոցներ սահմանել «Գազայի հումանիտար հիմնադրամի» (GHF) մի շարք պաշտոնյաների և մասնավոր պահնորդական ընկերությունների ղեկավարների նկատմամբ, որոնք աշխատում են հիմնադրամի հետ պայմանագրով։

AOHR UK-ի հայտարարության մեջ նշվում է, որ կան ՄԱԿ-ի զեկույցներ և դեպքերի վայրերից փաստաթղթավորված վկայություններ, որոնք հաստատում են ծանր հանցագործությունների կատարումն այսպես կոչված բաշխիչ կետերի մոտ: Մասնավորապես, Իսրայելի անվտանգության ուժերի և անվտանգության աշխատակիցների կողմից մարտական փամփուշտներով կրակահերթեր են արձակվել սննդի համար նեղ միջանցքներում հավաքված խաղաղ բնակիչների ուղղությամբ։ Ըստ առկա տվյալների՝ դրա հետևանքով ավելի քան 600 խաղաղ բնակիչ է մահացել, ավելի քան 4000 մարդ վիրավորվել է (2025 թվականի մայիսի 27-ից ի վեր)»:

«