«Սամվել Կարապետյանը կարո՞ղ էր նոր ուժ ստեղծել, օրինակ, ՌԴ-ում»․ Արսեն Թորոսյան

ԱԺ «Քաղաքացիական պայմանագիր» խմբակցության պատգամավոր Արսեն Թորոսյանն «Առաջին ալիքի» եթերում անդրադառնալով գործարար Սամվել Կարապետյանի՝ քաղաքական նոր ուժ ստեղծելու մասին հայտարարությանը, ասել է․ «Մինչ բուն հարցին անդրադառնալը, ինձ հետաքրքիր կլիներ՝ Սամվել Կարապետյանը կարո՞ղ էր նոր ուժ ստեղծել, օրինակ, ՌԴ-ում ու պայքարել իշխանությունների դեմ։ Սա կարևոր ցուցիչ է, որ ՀՀ-ն ժողովրդավար երկիր է ու ցանկացած ոք, օրենքով սահմանված կարգով, կարող է ստեղծել նոր ուժ․․․ Լավ է, թող ստեղծեն, բայց էդ նոր ուժն ի՞նչ գաղափարներով է հանդես գալու ժողովրդի առաջ»։ Հաղորդավարի՝ «կարդացել եմ, որ փոխելու են արտաքին քաղաքական վեկտորը, բայց դեպի ուր՝ չեն ասել» դիտարկմանը, Թորոսյանը նշել է․ «Ակնհայտ է՝ ուր, դեպի հյուսիս»։