«Արձագանքը կբավարարեր, եթե չլիներ մեր դառը փորձառությունը». Կարեն Միրզոյան

Արցախի ԱԳ նախկին նախարար Կարեն Միրզոյանը «5-րդ ալիքի» եթերում անդրադառնալով ՀՀ վարչապետի մամուլի խոսնակ Նազելի Բաղդասարյանի երեկվա հայտարարությանը, ասել է. «Ծանոթ եմ այդ արձագանքին. շատ համոզիչ էր, տպավորիչ. հերթական անգամ խոսվեց պայմանական կարմիր գծերի մասին ու դա մեզ պետք է, կարծես թե, բավարարեր, եթե չլիներ մեր դառը փորձառությունը: Հիշում ենք, որ վերջին տարիներին այն փաստերը, որ հերքվում էին ամենաբարձր մակարդակով, մեկ էլ, կախարդական փայտիկի հարվածով, կյանքի էին կոչվում և իրագործվում: Նշեմ, որ «Զանգեզուրի միջանցքի» հետ կապված մենք ունենք նաև վարչապետի աշխատակազմի ղեկավար Արայիկ Հարությունյանի գրառումը, որ այդ հարցն այլևս փակված է. այնտեղ պակասում էր միայն, որ ավելացներ՝ մորս արև: Բայց տեսնում ենք, որ փակված չէ, հարցը շարունակում է քննարկվել»: