«Ռուսական որոշ հեռուստաալիքներ հատել են բոլոր հնարավոր գծերը»․ Նիկոլ Փաշինյան

«Մենք ուզում ենք Ռուսաստանի հետ ունենալ նորմալ, բնականոն, բարեկամական, փոխադարձ հարգանքի վրա հիմնված հարաբերություններ»,- ասուլիսի ժամանակ ասաց վարչապետ Նիկոլ Փաշինյանը։
Անդրադառնալով ռուսական հեռուստաալիքների վերահեռարձակումը դադարեցնելու մասին խոսակցությանը՝ Փաշինյանը նշեց․ «Այո, ռուսական որոշ հեռուստաալիքներ բոլոր հնարավոր գծերը հատել են, բայց նաև իմ ասած նկատառումներով, ես չէի ուզենա, որ մենք ստիպված լինենք այդ որոշումը կայացնել։ Ես շատ հարգալից, բաց, թափանցիկ, ազնիվ, անկեղծ հարաբերություններ ունեմ ՌԴ նախագահ Վլադիմիր Պուտինի հետ, կառավարության ղեկավար Միշուստինի հետ։ Ես այդ հարաբերությունների բերումով մարդկային դիսկոմֆորտ ունեմ, որ մենք ստիպված լինենք այդպիսի որոշում կայացնել»,- ասաց Փաշինյանը։