«Նիկոլ Փաշինյանի սանձարձակ պահվածքի պատասխանատուն ԱԺ պատգամավորներն են»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Ինչպես ամեն օր, այնպես էլ 2025 թվականի հուլիսի 16-ի մամուլի ասուլիսի ժամանակ Նիկոլ Փաշինյանի սանձարձակ պահվածքի, վտանգավոր մտքերի և գործողությունների պատասխանատուն Ազգային ժողովի պատգամավորներն են։ Հայաստանը խորհրդարանական երկիրն է, որտեղ Ազգային ժողովն է վերահսկում գործադիր իշխանության գործունեությունը, Ազգային ժողովի առջև է հաշվետու կառավարությունը, այդ թվում վարչապետը։
Եթե մենք ունենային ֆունկցիոնալ ընդդիմություն խորհրդարանում, ապա երեկվա ասուլիսում նրա կողմից հնչեցված մտքերն ու արտահայտությունները, որոնք, գրեթե առանց բացառությունների, ապօրինի են և անթույլատրելի, որևէ աղերս չունեն կառավարության գործունեության ծրագրի հետ, այսօր Ազգային ժողովում պետք է դառնային քննարկման առարկա։ Այդ նպատակով Ազգային ժողովի կանոնակարգը նախատեսում է անցկացնել արտահերթ նիստեր, խորհրդարանական լսումներ, խորհրդարանական քննարկումներ և այլն։
Սա այն դեպքում, երբ մենք ունենային ֆունկցիոնալ ընդդիմություն։
Այդ ամենը լսելուց հետո վարչապետին անվստահություն (իմպիչմենտ) չհայտնելը նշանակում է համաձայնել նրա ասածների հետ, վստահել նրան և հնարավորություն տալ իրականացնելու իր հերթական ապօրինությունները»։