«Քեզ խաղից հանելու են քո տերերը, երբ անպիտան գործիք դարձած կլինես»․ Սամվել Ֆարմանյան

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Նիկո՛լ, Սերժ Սարգսյանին դու չես հեռացրել:
Սարգսյանին հեռացրել են ուժային մեծ ու ռեգիոնալ այն կենտրոնները, որոնց ձեռքին դու 2018 թվականից գիտակցաբար ծառայում ես որպես բութ գործիք՝ ի վնաս հայկական շահերի:
Դավաճանություն՝ հանուն իշխանության հին բանաձևով: Իշխանություն՝ հանուն Արցախն Ադրբեջանին, Հայաստանի մնացյալ բոլոր շահերը՝ ամենաբարձր գինն առաջարկող այլոց զիջելու նախապայմանով:
Նիկո՛լ, հայ ժողովուրդը ևս 2018-ի հեղինակը չի: Զոհն է: Ամենաառաջին ու ամենամեծ զոհը: Խաբված ու հիասթափված զոհը:
30 տարվա կուտակված անարդարությունից, սոցիալական դժվարություններից, պատերազմի վտանգից, կաշառակերությունից ու կադրային սխալ քաղաքականությունից հոգնած ժողովրդի բնական ըմբոստությունը զանազան քարոզչական տեխնոլոգիաներով հեղափոխության են վերածել այդ նույն մեծ ու ռեգիոնալ տերությունները՝ քո գիտակից մասնակցությամբ ու դավաճանությամբ:
Դու այս ամենը շատ լավ գիտես:
Ուզում ես օրը 24 ժամ ճամարտակիր ու արդարացիր: Ուզում ես հազար տարի մնա իշխանության: Երկու բան փոխել չես կարող.
1.) Հայ ժողովրդի հիշողության մեջ դաջված ես մնալու որպես բացառիկ դավաճան:
2.) Քեզ խաղից շտապելու են հանել քո իսկ տերերը, երբ դարձած կլինես անպիտան ու ժամկետանց գործիք:
Ու դու այս երկու անփոփոխելիներն էլ շատ լավ գիտես:
Գիտես ու անհանգիստ ես»: