«Ձեր ձևերով շուտ կորեք այստեղից»․ Արթուր Հովհաննիսյան

ՔՊ-ական պատգամավոր Արթուր Հովհաննիսյանի ֆեյսբուքյան գրառումը․ «2018 թվականի ոչ բռնի, ժողովրդական, թավշյա հեղափոխությունից մինչ այսօր հայաստանյան քաղաքական կյանքը թե՛ ներքին, թե՛ արտաքին առումներով բավականին բյուրեղացել է:
Արտաքին ճակատում այլևս բարդ է քողարկվել որպես բարեկամ, միևնույն ժամանակ լինելով ինքնիշխանության սպառնալիք, կամ ներքաղաքական կյանքում ևս հնարավոր չէ դիրքավորվել որպես ազգային, բայց լինել օտարերկրյա ազդեցության գործակալ, ապազգային մի երևույթ:
Ու այս բյուրեղացած քաղաքական դաշտում, երբ ժողովուրդն ամեն բան արդեն վաղուց շատ լավ գիտի ու հասկանում է, հայտնվում են շուստրիներ, որոնք օտարերկրյա ակցենտով փորձում են հերքել իրենց գործակալական պատկանելիությունն ու պորտալարով կապվածությունը նախկին քրեաօլիգարխիկ համակարգին:
Մեկ էլ ասում էին, եթե քաղաքական գործիչները չկարողանան՝ մենք մեր ձևերով կմասնակցենք: Այսինքն՝ իրենց ասած ձևերը քաղաքական չէին: Հիմա էլ ասում են՝ քաղաքական ուժ ենք ստեղծում մեր ձևերով, որ ապաքաղաքականությամբ զբաղվենք:
Ձեր ձևերով շուտ կորեք այստեղից. հայկական քաղաքական կյանքում նման մտքով սնանկներն այլևս վաղուց տեղ չունեն»: