«ՀՀ ներկայիս իշխանության կառավարման խորհրդանիշը նվաստացումն է»․ Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․ «Գիտեք, թե որն է լինելու ներկայիս հայկական իշխանության կառավարման պատմական խորհրդանիշը։
Ո՛չ Արցախի հանձնումը, ո՛չ Հայաստանի ինքնիշխանության կորուստը, ո՛չ հազարավոր մարդկային կորուստները, ո՛չ էլ երկրի անվտանգության ողջ ճարտարապետության գրողի ծոցը փլուզումը, սրանք բոլորը նրանց կառավարման արդյունքներն են։
Հայաստանի ներկայիս իշխանությունների կառավարման խորհրդանիշը լինելու է ամոթը, վախը, սուտը և ստորացումը։
Եթե մեկ բառով բնութագրենք, ապա վերջին յոթ տարիների խորհրդանիշը կլինի նվաստացումը։
Երկրի նվաստացումը:
Մարդկանց նվաստացումը:
Պատվի նվաստացումը:
Հավատքի նվաստացումը։
Արժանապատվության նվաստացում:
Մարդու գոյության բոլոր հիմնական բաղադրիչների նվաստացումը:
Հենց նվաստացումն է ներկա իշխանությունների հիմնական ուղերձը ժողովրդին։
Հա մեկել մի բան...պետության նվաստացումը իսպառ բացառում է խաղաղություն, նույնիսկ եթե ստորագրվի հազար հատ «խաղաղ պայմանագիր»»։