«Մարել են պետություն-հասարակություն երկխոսության վերջին օղակները»․ Մհեր Մելքոնյան

«Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Այս օրերին մենք ականատես ենք փաշինյանական իշխանության՝ ապակառուցողական և խուճապահար գործելաոճին, որի հիմքում ոչ թե պետության անվտանգությունն է, այլ՝ իշխանության պահպանման մոլուցքը։
Այն, ինչ ներկայացվում է՝ որպես «ժողովրդավարություն», իրականում հակազգային խմբակի ներկայացուցիչները վերածել են պարզ և կոպիտ գործիքի՝ ընդդիմախոսներին վարկաբեկելու, ազատ խոսքը լռեցնելու և հանրային գիտակցությունը մանիպուլացնելու համար:
Փաշինյանական ապազգային վարչակարգը անցել է բոլոր հնարավոր կարմիր գծերը՝
- Մարել է պետություն-հասարակություն երկխոսության վերջին օղակները։
- Թիրախավորել է քաղաքացիներին՝ միայն այն պատճառով, որ նրանք անհարմար հարցեր են բարձրացնում։
- Քրեականացրել է խոսքը՝ եթե այն չի տեղավորվում իշխանական քարոզչության սահմաններում։
Սա նիկոլական իշխանության ապաքաղաքական, անձնական բնազդային պաշտպանություն է՝ իրականության դեմ։
Իշխանության համար վտանգավոր են ոչ թե թուրք-ադրբեջանական ուժերը, այլ՝ հայրենասեր և մտածող քաղաքացին, քրիստոնեական արժեքները պաշտպանող հոգևորականը, սուր հարց տվող լրագրողը, փաստ պահանջող հասարակությունը։
Այլ կերպ ասած՝ սրանց համար վտանգավոր է ճշմարտությունը»։