«Դեմ կանգնեք սատանային, 7 տարվա մեջ գեթ մեկ անգամ պաշտպանեք ձեր սրբությունները». Նիկողոս Հովհաննիսյան

271

Չորեքշաբթի, 23 հուլիսի, 2025 թ., 03:12

Հասարակական գործիչ Նիկողոս Հովհաննիսյանը ֆեյսբուքյան իր էջում գրել է․ «Պատմությունը երբե՛ք չի լռում, գրում և պատմում է ամեն ինչ ու բոլորի մասին։ Գրելու և պատմելու է նաև այն մասին, թե ինչպես Հայաստան պետության մեջ ապրող ստահակների մի փոքրիկ խմբակ զավթեց ու ոչնչացրեց պետականությունը, հայրենիքը և հասավ մինչև սրբության սրբոց Մայր եկեղեցի։ Բոլորս՝ ապրելով ներկայում, միշտ հղում ենք տալիս, թե ինչ է գրելու ապագայում պատմությունը։ Այնինչ՝ մենք կարող ենք փոխել պատմությունը, մենք՝ այսօրվա ապրող և գործող անձինք, որ ապագայի պատմության գործող ֆիգուրներ պիտի լինենք, կարող ենք շարժել պատմություն կերտող անիվը, որ հետագայում՝ աշխարհում ապրող թեկուզ գեթ մեկ հայ, կամ հայի գեն, կամ արյուն կրող մեկը, չամաչի իր զավակին պատմել այսօրվա դեպքերի մասին։ Դիմում եմ այն մարդկանց՝ ովքեր գեթ մեկ անգամ, իրենց մտքում ասել են «Աստված ջան խնդրում եմ….», ովքեր գեթ մեկ անգամ ասել են «Հայր մեր-ը», ովքեր գեթ մեկ անգամ կանգնել են Սուրբ Խորանի առաջ, ովքեր գեթ մեկ անգամ լսել են Գրիգոր Լուսավորիչ անունը, ովքեր գեթ մեկ անգամ լսել են «301թ կամ 1700-ամյակ» արտահայտությունները։ Զարթնե՛ք, Աստծո սիրուն, Զարթնե՛ք։ Չի՛ կարելի, մի՛ թողեք, մի՛ կանգնեք հայրենիք ու սրբություններ ոչնչացնողների կողքին։ Եկեք Մայր Աթոռ, ցույց տվե՛ք ձեր հնազանդությունն Աստծուն և Մայր եկեղեցուն։ Դիմում եմ ոստիկաններին, ԱԱԾ-ին, բանակին։ Դուք, հիմա, սեփական կամքով՝ ընթացող պատերազմի դաշտում, դեն եք նետում ձեր հագի «պաշտպանիչ վահանը»՝ որն է՝ Մայր եկեղեցին։ Քրիստոս «հագեք», դեմ կանգնեք սատանային, վերջին 7 տարվա մեջ՝ գեթ մեկ անգամ պաշտպանեք ձեր սրբությունները։
Աստված բոլորիս պահապան։
ՇԵՆ ՄՆԱ ՄԱՅՐ ԱԹՈՌՆ ՈՒ ԻՐ ԳԱՀԱԿԱԼԸ»:

Աղբյուրը` Նիկողոս Հովհաննիսյան