«Կան կանայք, որ մեղադրում են զոհին ու պաշտպանում բռնարարին». Ռոզա Վարդանյան

Լրագրող Ռոզա Վարդանյանը գրել է. «16-ամյա աղջկան սեռական բռնության ենթարկելու մասին նյութի տակ մեկնաբանությունների մեծ մասը միջին և բարձր տարիքի կանանց կողմից են գրված, գրեթե բոլորի գրածի իմաստը նույն ա.
-Անչափահասն ի՞նչ գործ ունի խմի,
-Բա ինչի՞ էր գնացել սրճարան,
-Բա ինչի՞ էր էդ մարդու հետ նստել,
-Բա տղամարդ ա, կօգտվեր,
-Բա....
-Բա....
-Բա....
Ու ինչպես միշտ, ու ինչպես բոլոր նման տխուր պատմությունների հետևում կան այս կանայք, որոնք միշտ պատրաստ կանգնած են մեղադրելու բռնության ենթարկված «զոհերին» ու արդարացնելու բռնարարին։
Մտածելակերպ է, որ չի փոխվում, մտածելակերպ է, որի պատճառով հազարավոր կանայք չեն բարձրաձայնում հոգեբանական, ֆիզիկական ու սեռական բռնության մասին, չէ որ մեղադրանքները միշտ իրենց կողմն է.
-Բա տղամարդ ա, մի հատ էլ կխփի։
-Բա տղամարդ ա, աչքը տեսել ուզել ա։
-Բա ինչի՞ էր կարճ հագել։
-Բա ինչի՞ էր էդ ժամին դուրս եկել։
-Բա...բա...բլա...բլա
Նման մեկնաբանությունների պատճառով մարդիկ օրերով, ամիսներով ու տարիներով հասարակություն դուրս չեն գալիս, որովհետև գիտեն՝ իրենց մատով են ցույց տալու ու մեղադրեն։ Ու, եթե ծնողները ճիշտ ու ժամանակին օգնության չեն հասնում, եթե հոգեբաններն արագ օգնություն չեն ցուցաբերում, այդ կանայք «լրիվ պատահաբար» ինքնասպան են լինում։
Էնքան տխուր ա էս իրականությունը»: