Ամառային զորակոչի ժամկետը երկարաձգվեց

ՀՀ կառավարությունն այսօր որոշում կայացրեց ամառային զորակոչի ժամկետը երկարաձգել մինչև 2025 թվականի օգոստոսի 15-ը՝ հուլիսի 31-ի փոխարեն։

ՀՀ ՊՆ-ն հայտարարել է, որ չեն հասցնում նորակոչիկների բժշկական հետազոտությունները նշված ժամկետում․ «Զորակոչի ենթակա քաղաքացիների բժշկական հետազոտման հավելյալ ծավալները հաշվի առնելով՝ ս.թ. հուլիսի 31-ի դրությամբ հնարավոր չի լինելու ավարտել քաղաքացիների պատշաճ փորձաքննությունը և դրանց արդյունքներով զորակոչի ենթակա կամ ոչ ենթակա լինելու հանգամանքի որոշման գործընթացը: Այդ կապակցությամբ, և 2025 թվականի ամառային զորակոչին ենթակա քաղաքացիներին անհարկի տարկետումներ տրամադրելու կամ նրանց բժշկական փորձաքննությունը ձմեռային զորակոչ տեղափոխելու դեպքերը բացառելու նպատակով, անհրաժետություն է առաջացել զորակոչի անցկացման ժամկետը երկարաձգել մինչև 2025 թվականի օգոստոսի 15-ը»,- ասված է որոշման հիմնավորման մեջ։