«Վարչապետն ինչո՞ւ փոփոխություն չնախաձեռնի Եկեղեցում, ի՞նչն է կաշկանդում»․ Անահիտ Ավանեսյան

«Իսկ ինչո՞ւ վարչապետը եկեղեցում փոփոխություն չնախաձեռնի, կա՞ կաշկանդող բան»,- լրագրողների հետ զրույցում հարցին հարցով պատասխանեց Առողջապահության նախարար Անահիտ Ավանեսյանը։ Նա կարծում է, որ Փաշինյանն այդ իրավունքն ունի, քանի որ ՀԱԵ հետևորդ է։
Նա անդրադարձավ նաև Բագրատ Սրբազանին դատի տալու որոշմանը՝ նշելով, որ ֆեյսբուքյան գրառմամբ ամեն ինչ մանրամասնել է։
Հիշեցնենք՝ Ավանեսյանը գրել էր․ «Այսօր բազմաթիվ քաղաքացիներ և նաև հանրային գործիչներ, ում դատի է տվել Բագրատ Գալստանյանը, միացել են ժողովրդին վիրավորանքներ հասցնելու համար խմբային հայց ներկայացնելու առաջարկիս:
Եվ այսպես, Քաղ. դատավարության օրենսգրքի 224 հոդվածի համաձայն նախաձեռնում ենք խմբային հայց՝ Բագրատ Գալստանյանի դեմ:
Ստյոպա Սաֆարյանն առաջարկել է կազմակերպչական առումով աջակցել. սիրով ընդունում եմ առաջարկը:
Ճիշտ է, մենք ներողամիտ և մեծահոգի ժողովուրդ ենք, բայց պատասխանատվությունը լավ բան է:
Առաջարկում եմ բարոյական վնասի համար պահանջվող գումարն էլ ուղղել մի բարի և հանրօգուտ գործի»: