«Եթե Կտրիճ Ներսիսյանը գտնում է, որ ամբողջը հերյուրանք է, թող դիմի դատարան». Ռուզաննա Երեմյան

«Ես չեմ հասկանում այս ընդգծված վերաբերմունքը և այս աղմուկն իմ անձի շուրջ: Այս օրերի ընթացքում համացանցը վերածվել է հայհոյախառն տիրույթի՝ կոնկրետ ինձ ուղղված, որ ես կիսվում եմ վարչապետի գրառումներով և պատրաստ եմ միանալ նրա՝ Վեհարանն ազատելու կոչին»,- Հանրայինի եթերում ասել է «Հակոբ Կոջոյան» կրթահամալիրի տնօրեն Ռուզաննա Երեմյանը:

«Ես՝ որպես ՀՀ քաղաքացի, որպես մտավորական, մտածում եմ, որ եթե Հայ Առաքելական Սուրբ Եկեղեցու Վեհի գահը զբաղեցնող Կտրիճ Ներսիսյանը գտնում է, որ ամբողջը հերյուրանք է, թող դիմի դատարան, ապացուցի հայ ժողովրդին, որ ինքը կուսակրոնության ուխտը չի խախտել, ես էլ գնամ Սուրբ Էջմիածին, ծնկաչոք ներողություն խնդրեմ: Եթե դա չի անում, նշանակում է՝ մենք այստեղ մտածելու բան ունենք»,- ասել է Երեմյանը։