«Մեզ ո՛չ տրանսպորտի ժամային գրաֆիկն է ձեռք տալիս, ո՛չ էլ՝ ֆինանսական ձևաչափը». Ոսկեհատի բնակիչ

Ոսկեվազի և Ոսկեհատի բնակիչները Աշտարակում ակցիա են իրականացրել՝ բողոքելով Երևան գնացող տրանսպորտի գնի թանկացումից և ժամային գրաֆիկից

«Ոսկեհատ-Երևան երթուղին մտել է գիծ, բնակիչները անտեղյակ, թե ինչ ժամային գրաֆիկով է լինելու: Բնակիչը կանգնում է փաստի առաջ՝ չիմանալով, թե իր աշխատանքին որ ժամին կհասնի: Մենք որոշեցինք 3 գյուղերի բնակիչներով բողոքի ցույց կատարել, որովհետև մեզ ո՛չ տրանսպորտի ժամային գրաֆիկն է ձեռք տալիս, ո՛չ էլ՝ ֆինանսական ձևաչափը»,- լրագրողների հետ զրույցում նշել է Ոսկեհատի բնակչուհին՝ հայտնելով, որ նախկինում 250 դրամով Ոսկեհատ գյուղից երթևեկում էին մինչև Երևան, հիմա երթևեկելու են 400 դրամ:

«Ոսկեհատից Երևան գնացող ռեյսները 3 ժամը մեկ են դրել: Որպեսզի ժամը 10-ին գյուղացին լինի աշխատանքի վայրում, ժամը 6 անց կես տնից պետք է դուրս գա, գնա Երևան, մի երկու ժամ էլ այնտեղ քուչեքում ֆռֆռա, նոր հասնի աշխատանքի վայր»,- հավելել է բնակչուհին: