Չորեքշաբթի, 30 հուլիսի, 2025 թ.
|
Ստեփանակերտում`   +28 °C

«Քանի դեռ Դոգը բանտում է, իշխանությունն ու ընդդիմությունը պայքարում է նրա քվեների համար». Թաթուլ Հակոբյան

«Քանի դեռ Դոգը բանտում է, իշխանությունն ու ընդդիմությունը պայքարում է նրա քվեների համար». Թաթուլ Հակոբյան
95
Այսօր, 04:12

Լրագրող Թաթուլ Հակոբյանի ֆեյսբուքյան գրառումը․ «Հայաստանի իշխանությունն ու ընդդիմությունը շարունակում են մեր ժողովրդին զարմացնել քաղաքական բանավեճի նշաձողը գետնին հավասարեցնելու հարցում:
Մեր իշխանությունները տանը առյուծ են, դրսում, դժբախտաբար, աքլոր: Վարչապետն ու նրա մոլեռանդ աջակիցները՝ լինի հրապարակային խոսքը, խորհրդարանը կամ փողոցը, պատրաստ են ամենաստոր վիրավորանքները հասցնել մեր ընդդիմությանը, եթե պետք լինի՝ խորհրդարանում ուղղակի ծեծել ընդդիմադիրներին և դա անել հրապարակային:
Դրսում, նույն այդ մարդիկ, պատրաստ են ամիսներով ու տարիներով ուտել մեր հարևան երկրի ու նրա առաջնորդի նվաստացումները:
Գռեհկության իմաստով, մեր ընդդիմությունը ոչ միայն հետ չի մնում իշխանություններից, այլ մի բան էլ առաջ է:
Քանի դեռ Դոգը բանտում է, իշխանությունն ու ընդդիմությունը պայքարում է նրա քվեների համար:
Եվ զարմանալի է, երբ և՛ ընդդիմությունը, և՛ իշխանությունը, խոսում են կրթության, կրթված լինելու կարևորության ու նորաձևության մասին:
Մեր ժողովուրդը, անշուշտ, կրթության կարիք ունի, բայց առաջին հերթին պետք է կրթվեն.
ա/ վարչապետն ու նրա թիմակիցները,
բ/ նախկին նախագահներն ու նրանց աջակիցները»:

Աղբյուրը`   Թաթուլ Հակոբյան