Սարիկ Մինասյանը՝ նախարար նշանակվելու լուրերի մասին

Գյումրիի ավագանու «Քաղաքացիական պայմանագիր» խմբակցության ղեկավար Սարիկ Մինասյանը «Ֆակտոր»-ի հետ զրույցում հերքել է նախարար նշանակվելու մասին տեղեկությունները։ «Ես հայտարարել եմ, որ մանդատս չեմ դնելու։ Նախարարի պաշտոնի հետ համատեղելի չէ ավագանու անդամ լինելը»,- ասել է Սարիկ Մինասյանը՝ նշելով, որ ավագանու անդամ է մնալու մինչև ավագանու լիազորությունների ավարտը։

Հիշեցնենք՝ «Առավոտ»-ը գրել էր, որ իրենց տեղեկություններով, Գյումրիի ավագանու «Քաղաքացիական պայմանագիր» խմբակցության ղեկավար Սարիկ Մինասյանը նշանակվելու է ՀՀ աշխատանքի և սոցալական հարցերի նախարար։