Վերին Լարսում սողանք է տեղի ունեցել

Վերին Լարսում սողանք է տեղի ունեցել: Այս մասին հայտնում են թելեգրամ-ալիքները: Հյուսիսային Օսիան հաղորդում է, որ Վրաստանում եղանակային պայմանների վատթարացման և անվտանգ անցում ապահովելու անհնարինության պատճառով, Վերին Լարսի անցակետով Ռուսաստանից դուրս գալու ուղղությամբ բոլոր տեսակի տրանսպորտային միջոցների երթևեկությունը դադարեցվում է 2025 թվականի հուլիսի 31-ի ժամը 18:40-ից մինչև հետագա ծանուցում։

Որոշումը կայացվել է՝ հաշվի առնելով Վրաստանի սահմանային ոստիկանության առաջարկությունները։