«Թրամփը գործում է որպես ԱՄՆ մաքսատան վարիչ»․ Արա Արայան

Վերլուծաբան Արա Արայանի ֆեյսբուքյան գրառումը․ «ԱՄՆ-ն թրամփիզմի միջոցով համաշխարհային քաղաքականության մեջ հետաքրքիր իրավիճակ է ստեղծել:
Բոլոր հակամարտությունները մի տեսակ սառել կամ իմաստազրկվել են: Ողջ աշխարհը գիտեր, որ ի դեմս ԱՄՆ-ի կա գլխավոր դատավոր, և նա է բոլորին կռվեցնողն ու բաժանողը, հաղթողին ու պարտվողին որոշողը:
Հիմա Թրամփը գործում է, որպես ԱՄՆ մաքսատան վարիչ, դասական քաղաքականությունը արհամարված է:
Բոլոր միմյանց հակառակորդ կողմերը սառած նայում են իրար, նայում են մրցավարին, իսկ մրցավարը դուրս է եկել մրցադաշտից, կենտրոնացել է զուտ սեփական հաշվիչ մեքենայի վրա և իրեն հաշվիչի թվերից բացի ոչինչ չի հետաքրքրում:
Երբ կռվողներին բաժանում են, նրանք ասում են, թողեք ինձ, թողեք խփեմ, բայց բաժանողը կռվողների արանքից դուրս է գալիս, ու կռիվը սառում է:
Այսինքն, այսպիսի ժամանակներում է երևում ով ով է, նման ժամանակները հնարավորություն են ընձեռում պետություններին ուժ հավաքել... Եվ պատրաստվել հաջորդ կռիվներին:
Ինչպե՞ս Հայաստանը կօգտվի այս հնարավորությունից...»: