Թրամփը տասնյակ երկրների նկատմամբ մաքսատուրքեր սահմանելու հրամանագիր է ստորագրել

ԱՄՆ նախագահ Դոնալդ Թրամփը գործադիր հրամանագիր է ստորագրել, որով տասնյակ երկրների նկատմամբ մաքսատուրքեր են սահմանվում՝ 10%-ից մինչև 41%, այս մասին նշված է Սպիտակ տան հրապարակած փաստաթղթերում։ Նոր մաքսատուրքերը սահմանվում են ԱՄՆ 69 առևտրային գործընկերների նկատմամբ և ուժի մեջ կմտնեն օգոստոսի 7-ից:

«Այս գործողությունն արտացոլում է նախագահի շարունակական ջանքերը՝ արդար, հավասարակշռված և փոխշահավետ առևտրային հարաբերությունների միջոցով ազգային անվտանգությանը և տնտեսությանը սպառնացող արտաքին սպառնալիքներից պաշտպանելու համար»,- ասվում է հայտարարության մեջ: