«Սա ՌԴ-ում գործող պրոքսի ուժերի ակտիվ աշխատանքի արդյունք էր»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Ռուսական պետական Tасс գործակալությունը երեկ հրապարակել էր հոդված՝ «В Степанакерте снесли памятник Айвазовскому» վերնագորով։ Ինքս շատ սկեպտիկ վերաբերմունք ունեի ռուսական այս նուրբ ակնարկին, և վստահ էի, որ սա ընդամենը ռուս-ադրբեջանական դիմակայության այս ֆոնի համատեքստում է։ Բացի այդ, Տասս գործակալության ադրբեջանամետ փոխտնօրենի հեռացումը բնավ չէր նշանակում Տասս գործակալության որդեգրած մեդիա քաղաքականության փոփոխություն, որպիսի պատրանք կարող էր լինել հատկապես հայկական միջավայրում։
Եվ ահա՛, ընդամենը ժամեր անց Տասս գործակալության հրապարակած հոդվածի վերնագիրը փոխվում է՝ «В Степанакерте снесли памятник Айвазовскому»-ն դառնալով «В Нагорном Карабахе снесли памятник Айвазовскому»: Բնականաբար սա արդյունք էր ադրբեջանական կողմի, Ռուսաստանում գործող ադրբեջանական պրոքսի ուժերի ակտիվ և հետևողական աշխատանքի, ինչի արդյունքում ռուսական մեդիա համակարգը, որը ուղիղ շարունակությունն է պետական քաղաքականության, ընկրկեց և տեղի տվեց ադրբեջանական պահանջներին։ Սա լավագույն օրինակն ու դասն է հատկապես Հայաստանին ու հատկապես Հայաստանի հաջորդ քաղաքական էլիտաներին, թե ինչպես պետք է հետևողականորեն և մանրակրկիտ պաշտպանել սեփական ազգային և պետական շահերը, դրա համար չխնայելով ո՛չ մի միջոց․․․»։