Թուրքիան սկսել է անօդաչու կործանիչ ինքնաթիռի արտադրությունը

Սկսվել է Թուրքիայի առաջին անօդաչու մարտական ինքնաթիռի՝ Bayraktar KIZILELMA-ի սերիական արտադրությունը, որը շահագործման կհանձնվի հաջորդ տարի։

Այս մասին հայտարարել է Սելջուկ Բայրաքթարը։
Նա նշել է, որ իրենց նպատակը լիովին անկախ պաշտպանական արդյունաբերությունն է։

«Համակարգերն իրենք կարևոր չեն, այլ՝ լավ հագեցած սերունդը։ Թուրքիան այժմ ունի շարժիչի տեխնոլոգիա։ Շարժիչի ավելացված արժեքը շատ ցածր է, և մենք նաև առաջնահերթություն ենք տալիս հիմնական ծրագրային ապահովմանը։ Օրինակ՝ ASELSAN-ի կողմից արտադրված ռադարն ունի շատ ավելի բարձր ավելացված արժեք։

KIZILELMA-ն և՛ տեղական, և՛ ժամանակակից արտադրանք է։ Զանգվածային արտադրությունը սկսվել է այս տարի։ Վեցերորդ KIZILELMA-ն այժմ արտադրական գծի վրա է և շահագործման կհանձնվի հաջորդ տարի»,- նշել է թուրքական պաշտպանական ընկերության ղեկավարը։

Նրա խոսքով՝ 20 KIZILELMA կործանիչ է արտադրվել մեկ F-16 կործանիչի գնով, որը գնել են բազմաթիվ երկրներ և տասնամյակներ շարունակ եղել է ամենահուսալի ինքնաթիռներից մեկը։