«Մեզ ոչ թե նոր փրկիչ է պետք, այլ հավաքական ճակատ»․ Րաֆֆի Հովհաննիսյան

«Մեզ պետք է ոչ թե նոր փրկիչ, այլ՝ հավաքական պատասխանատվության մի ճակատ, շարժում, ժայթքում, որը ներառում է բոլոր ուժերը․ ինքը կենտրոն պիտի դառնա»,- «Նյուզ»-ի եթերում ասել է ՀՀ ԱԳ նախկին նախարար, «Ժառանգության» առաջնորդ Րաֆֆի Հովհաննիսյանը։ «Պիտի ամբողջական լուծումներ լինեն, մեկը՝ կազմակերպչական, տնտեսական հենասյունը լինի շարժման, մյուսը՝ սոցիալական, անվտանգության մասնագետ, էն մյուսը՝ արտաքին աշխարհի հետ ապահովի ամեն ինչ»,- նշել է նա՝ հավելելով, որ ժողովուրդը պետք է տեսնի, որ սա ոչ թե ռուսամետ կամ արևմտամետ կենտրոն է, այլ հայաստանակենտրոն, պետական այլընտրանք, որը ծրագիր պետք է ներկայացնի, խոսի ժողովրդի հետ։ Հարցին՝ այդ կենտրոնը կարո՞ղ է Սամվել Կարապետյանի ուժը լինել, ասել է՝ անհրաժեշտ է, որ Կարապետյանը լինի հիմնասյուներից մեկը, բայց միայն իրենով չէ։