«Շարասյան համար ճանապարհը փակած պարեկներն անգամ շտապօգնությանը չեն թողնում անցնել». Հակոբ Կարապետյան

Լրագրող Հակոբ Կարապետյանի ֆեյսբուքյան գրառումը․ «Ժամը 7-ի կողմերն է՝ ամենախիտ երթեւեկության ժամը, ամենաբանուկ խաչմերուկներից մեկում։ Պարեկները 10 րոպեից ավելի կանգնեցրել են երթեւեկությունը՝ ինչ-որ բարձրաստիճանի (ամենայն հավանականությամբ, Նիկոլ Փաշինյանի) անվտանգ երթեւեկը ապահովելու համար։ Ու էդ ընթացքում, ուշադրություն դարձրեք, խցանման մեջ լռված է Շտապ օգնության մեքենան ու աղիողորմ սիրենաներով խնդրում է ճանապարհ բացել։ Ապարդյուն։ Եթե (Աստված չանի) էս հիվանդը էս խցանման պատճառով անդառնալի վնասներ կրի, երկրի գլխավոր Սաղմոսերգուն թերեւս մի նոր տխմարամիտ անալոգիա կմտածի՝ արդարացնելու համար իրեն, ինչպես վերջերս Սոնա Մնացականյանի դեպքի վերաբերյալ էր ասում։
Բայց երբեք չեն մտածի մի սիստեմ մշակելու մասին, որ իրենց հույժ կարեւոր անձերի տեղաշարժի պատճառով մարդիկ չմեռնեն»: