«ՌԴ-ից հումանիտար օգնություն ստացող արցախցիների հասցեին վայրահաչությանը վերջ տվեք». Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը. «Ռուսաստանից հումանիտար օգնություն ստացող արցախցիների հասցեին վայրահաչությանը վերջ տվեք: Փորձեք էդ բեռնատարները քշել Հայաստանի ցանկացած համայնք և, համոզված եմ, կտեսնեք, թե մարդիկ ինչպես են հերթում իրար «գլուխ ջարդում»: Համարձակություն ունեիք՝ Գյումրիում քաղաքապետ չընտրեիք մեկին, ով տեղում դողացնում է, թե «ռուսական ռազմաբազան դուրս բերելու դեպքում թուրքերը մեզ կուտեն»: Հարյուրավոր բռնագաղթված արցախցիներ սոցիալական մեդիայում իրենց արգահատանքը բաց արտահայտել են:
Հ.Գ. Ողբալի է, որ Հայաստանի քաղաքացի հանդիսացող ոմանք չեն հասկանում, որ էդ «հումանիտար ակցիան» անարգանք է Հայաստանի հասցեին, որ իբր «թքած ունի արցախցիների վրա, իսկ Ռուսաստանը նրանց սովից փրկում է»: Մի՞թե տարրական ճշմարտությունը չեն հասկանում: Թե առիթ է, ինքնադրսևորվո՞ւմ են»: