Չորեքշաբթի, 06 օգոստոսի, 2025 թ.
|
Ստեփանակերտում`   +22 °C

«Անգամ Թրամփի քավորությամբ ստորագրված փաստաթուղթը չի կարող հարթել աշխարհաքաղաքական բոլոր կնճիռները»․ Սոս Հակոբյան

«Անգամ Թրամփի քավորությամբ ստորագրված փաստաթուղթը չի կարող հարթել աշխարհաքաղաքական բոլոր կնճիռները»․ Սոս Հակոբյան
171
Այսօր, 01:06

Փաստաբան Սոս Հակոբյանի ֆեյսբուքյան գրառումը. «Հայաաստան-Ադրբեջան, այսպես կոչված, խաղաղության թուղթը, մեղմ ասած, միայն նշված երկու երկրների օրակարգերի և քաղաքականության որոշում չէ, այլ տարածաշրջանային, ինչ-որ տեղ նաև աշխարհաքաղաքական մեծ պայքարի փոքր, բայց կարևոր դրվագ։
Իհարկե խոսքը երանելի, բայց ուտոպիստական խաղաղության մասին չէ, այլ այն ամենի, ինչի մեկնարկն է տրվելու այդպիսի փաստաթղթով։ Իսկ ավելի կոնկրետ թուրքերի և արևմուտքի լեզվով կոչված «Զանգեզուրի միջանցքը», մեղմ ասած, միայն Ադրբեջանի և Թուրքիայի շահերի խնդիրը չէ։ Նշված հարցում ակնհայտ է, որ շահեր և հակադիր շահեր ունեն Ռուաստատնը, Իրանը, Չինաստանը՝ մի կողմից, Թուրքիան, ԱՄՆ—ՄԹ—Իսրայել բլոկով արևմուտքը՝ մյուս կողմից, հետո նոր Հայաստանը և Ադրբեջանը։
Իհարկե նշվածի վերաբերյալ մանրամասն վերլուծություններ թող անեն տարածաշրջանը հետազոտող մասնագետները, քանի որ գրածիս իմաստը լիովին այլ հարցի է վերաբերում։
Շատ շուտվանից արդեն աշխարհում կա ստորագրված հազար տակ կնքված փաստաթղթերի արժեզրկման, ավելին՝ իրականության (հողի վրա, ռեալ պոլիտիկի) և իրավական բազայի ուղղակի հակասության առաջացման տենդենց։ Դրա ամենասիմվոլիկ օրինակը ՄԱԿ ԱԽ կողմից վավերացված JCPOA-ն է, որն ԱՄՆ-ն մեկ օրում դարձրեց զուգարանի թուղթ։ Այլ օրինակ է Ռուսաստանի և Արևմուտքի միջև Մինսկի համաձայնությունները Ուկրաինայի մասով, որը սկզբից չպահպանվեց մի կողմից կողմից, իսկ հետո պատճառ դարձավ մյուս կողմի համար սկսել ռազմական գործողություններ, և այդպես շարունակ։
Հետևաբար, ինչ էլ, որ ստորագրեն ուրբաթ կամ որևէ այլ օր Թրամփի աշխատասենյակում Փաշինյանն ու Ալիևը, դա չի կարող և չի դառնալու իրականություն, ոչ թե, որ ինչ-որ մեկը Հայաստանում այդպես չի ուզում, այլ անգամ Թրամփի քավորությամբ ստորագրված փաստաթուղթը չի կարող հարթել աշխարհաքաղաքական հակադիր շահերի բոլոր կնճիռները... Երկար ժամանակ է, ինչ այլևս ԱՄՆ-ն, շարունակելով լինել աշխարհի հզորությամբ առաջինը, միայնակ չի կարող որոշել (պարտադրել) այն հարցերի հանգուցալուծումը, որոնցում շահեր ունեն նաև աշխարհաքաղաքական այլ կենտրոններ, օրինակ՝ Ռուսաստանը։
Այնպես, որ պետք է ձգտել խաղաղության համար բարենպաստ միջավայր ստեղծել, այլ ոչ թե ի հակառակ առկա միջավայրին դատարկ թղթեր ստորագրելու միջոցով ավելի բարդ և անհասկանալի դարձնել ՀՀ անվտանգության միջավայրը։
Հայաստանը չի ստանալու խաղաղություն Ադրբեջանի հետ ստորագրվելիք որևէ փաստաթղթով։ Հայաստանը չի ապրում իզոլացման մեջ, հետևաբար, մեր երկու երկրների միջև խաղաղությունը կախված չէ միայն մեզանից։ Ավելին, եթե այդ թուղթը կենսական խնդիրներ ստեղծեց տարածաշրջանում մեզանից 100 կամ 1000 անգամ ավելի խոշոր և հզոր երկրների համար, ապա այդ թուղթը նախերգանքն է լինելու նոր պատերազմների»:

Աղբյուրը`   Սոս Հակոբյան