Թրամփի վարչակազմը քննարկում է Ռուսաստանի ստվերային նավատորմի դեմ լրացուցիչ պատժամիջոցներ կիրառելու հնարավորությունը

ԱՄՆ-ի նախագահ Դոնալդ Թրամփի վարչակազմը քննարկում է Ռուսաստանի ստվերային նավատորմի դեմ լրացուցիչ պատժամիջոցներ կիրառելու հնարավորությունը, եթե Ռուսաստանը չհամաձայնվի Ուկրաինայի հետ խաղաղության։

Այս մասին հայտնել է Financial Times (FT)-ը՝ հղում անելով աղբյուրներին։
Նավերի՝ սև ցուցակում ներառելը կարող է լինել առաջին դեպքը, երբ Վաշինգթոնը պատժամիջոցներ է կիրառում Մոսկվայի դեմ Թրամփի՝ Սպիտակ տուն վերադառնալուց հետո։

Քննարկումներին ծանոթ երկու աղբյուրների համաձայն՝ ստվերային նավատորմի դեմ միջոցառումները դիտվում են՝ որպես «Ռուսաստանի վրա լրացուցիչ ծախսեր պարտադրելու պարզ առաջին քայլ»։ Սպիտակ տանը մոտ կանգնած երրորդ աղբյուրը նշել է, որ քննարկվում են մի շարք տարբերակներ, այդ թվում՝ նավերի դեմ պատժամիջոցներ։