«Եթե անգամ Ձմեռ պապուն հանդիպի, որևէ լավ սպասում չենք կարող ունենալ»․ Արմեն Աշոտյան

«Որևէ լավ սպասում չենք կարող ունենալ որևէ հանդիպումից, անգամ, եթե Նիկոլ Փաշինյանը հանդիպում է Ձմեռ պապուն»,- դատական նիստից առաջ լրագրողների հետ զրույցում ասաց ՀՀԿ փոխնախագահ Արմեն Աշոտյանը՝ ի պատասխան հարցին, թե ի՞նչ սպասումներ է պետք ունենալ վաշինգթոնյան հանդիպումից։
«Որևէ դրական սպասում չենք կարող ունենալ մի կառավարությունից, որը հակահայկական է։ Մարդ, որը մեզ է ներկայացնում աշխարհում, մեզ դարձրել է ամենաանթասիբը, անպատիվն ու ամենավարկաբեկվածը։ Գլոբուսի վրա չկա նման ժողովուրդ, որն այսպես խայտառակ է լինում»,- ասաց Աշոտյանը՝ հավելելով. «Մենք առաջինն ենք, ով ընդունեց քրիստոնեությունը 301թ-ին և Հուդային՝ 2018թ-ին. պարադոքսների ժողովուրդ ենք»։
Հիշեցնենք՝ օգոստոսի 8-ին Վաշինգթոնում սպասվում է ԱՄՆ նախագահ Թրամփի, ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։