«Այս նշանակումը կարելի է համարել նաև քաղաքական ազդակ՝ ուղղված ֆուտբոլային հանրությանը»․ Սուրեն Սուրենյանց

Քաղաքագետ Սուրեն Սուրենյանցի ֆեյսբուքյան գրառումը․ «Եղիշե Մելիքյանի նշանակումը կարո՞ղ է հաշտեցնել ՀՖՖ-ին ու երկրպագուներին․

Հայաստանի ֆուտբոլի ազգային հավաքականը նոր գլխավոր մարզիչ ունի։

«Փյունիկ»-ի նախկին գլխավոր մարզիչ Եղիշե Մելիքյանի նշանակումն այս պաշտոնում կարելի է համարել ոչ միայն մարզչական ընտրություն, այլ նաև քաղաքական ազդակ՝ ուղղված ֆուտբոլային հանրությանը։

Երկրպագուները սկզբունքորեն ողջունում են այս նշանսկումը:

Հիշեցնեմ, որ Մելիքյանը բացահայտ ձևով քննադատել է ՀՖՖ-ի որոշումները, նույնիսկ մերժել է նրանց շնորհած մրցանակները։

Սա ցուցիչ է, որ Մելիքյանը Ֆեդերացիայի կամայական ընտրությունը չէ, այլ ֆուտբոլային արժանիքների հաղթանակը։

Կարո՞ղ է սա հաշտեցնել ՀՖՖ-ին ու երկրպագուներին։

Միգուցե։

Բայց միայն մեկ պայմանով՝ եթե ՀՖՖ-ն չսահմանափակվի այս խորհրդանշական քայլով, այլ գնա համակարգային փոփոխությունների ճանապարհով։

Երկրպագուները սպասում են ոչ թե PR քայլերի, այլ իրական վերափոխման՝ թափանցիկության, արդյունքի, զարգացման ռազմավարության տեսքով»։