«Տեղի է ունենում ՀՀ-ի ապաշրջափակումը»․ Նիկոլ Փաշինյան

«ՀՀ-ի ապաշրջափակումը տեղի է ունենում»,- Սպիտակ տանը եռակողմ հռչակագրի ստորագրումից հետո լրագրողների հետ զրույցում ասաց վարչապետ Նիկոլ Փաշինյանը։ «ՀՀ-ն կունենա հնարավորություն՝ ունենալ երկաթուղային կապ արտաքին աշխարհի հետ»,- հավելեց նա՝ շեշտելով, որ լուծվեց նաև Ադրբեջանի կապը Նախիջևանի հետ․ «ՀՀ-ի ինքնիշխանության, տարածքային ամբողջականության և իրավազորության շրջանակներում»,- կրկին արձանագրեց Փաշինյանը։ Նրա խոսքով, թեպետ հայտարարվել է, որ միջանցաքային տրամաբանություն չկա, սակայն Թրամփը խոսքի մեջ «կորիդոր» բառն այնուամենայնիվ օգտագործեց․ «Ես իմ ասուլիսում էլ ասեցի, որ դա աշխարհում այնքան ընդունված բառ է, բայց հայտնի հանգամանքներից ելնելով, այդ բառը մեզ համար որոշակի լարվածություն է ստեղծել։ Բայց էն միջանցքային տրամաբանությունը, որի հետ կապված անընդհատ քննարկումներ են եղել, ակնհայտորեն չի լինելու»,- ասաց Փաշինյանը։