««Թրամփի ուղին» լիովին համապատասխան է տարածաշրջանի շահերին»․ Նիկոլ Փաշինյան

««Թրամփի ուղին» ներդրումային ծրագիր է, որը բխում է «Խաղաղության խաչմերուկ» նախագծից։ Ըստ այդմ՝ ԱՄՆ-ն պաշտոնապես ճանաչում է նախագիծը և հետաքրքրված է ներդրումներ անելու հարցում»,- ասուլիս ժամանակ ասաց Նիկոլ Փաշինյանը՝ նշելով, որ այս նախագիծը լիովին համապատասխան է տարածաշրջանի շահերին։

«Իրանը ստանում է երկաթուղային հնարավորություն Պարսից ծոցից մինչև Սև ծով։ Նաև ՌԴ-ն է մեր տարածաշրջանով է երկաթուղային կապ ստանում դեպի Իրան»,- ասաց Փաշինյանը։ ««Թրամփի ուղի» նախագիծը միայն երկաթուղու մասին չէ, այստեղ առանցքային նշանակություն ունեն պոտենցիալ խողովակաշարերը՝ գազամուղ, նավթամուղ, էլեկտրահաղորդման գծեր, որոնք անցնելու են Հայաստանով և որոնք ահռելի եկամուտներ են բերելու ՀՀ բյուջեին»,- հավելեց Փաշինյանը՝ նշելով, որ առաջիկա տարիներին Սյունիքի մարզը լինելու է ՀՀ-ի ամենաաշխույժ ներդրումային միջավայրը։