«Ինչո՞ւ ՌԴ միջնորդությամբ չհաջողվեց ապաշրջափակել կոմունիկացիաները»․ հարց՝ Նիկոլ Փաշինյանին

«Ինչո՞ւ ռուսական միջնորդությամբ չհաջողվեց իրականացնել տարածաշրջանային կոմունիկացիաների բացում»․ այս հարցին անդրադառնալով՝ Վաշիգթոնում տված ասուլիսի ժամանակ վարչապետ Նիկոլ Փաշինյանը ասաց․ «Նույն այսօրվա բանաձևը, որն ընդունեցինք, առաջարկել ենք նաև Ռուսաստանի Դաշնությանը։ Հիշո՞ւմ եք, որ եռակողմ աշխատանքային խումբ կար, որը զբաղվում էր տարածաշրջանային կոմունիկացիաների հարցով։ Մենք այդտեղ միշտ պատրաստակամություն ենք հայտնել այս տրամաբանությամբ աշխատելու և մեզ համար այդպես էլ հասկանալի չդարձավ՝ ինչո՞ւ, այնուամենայնիվ, ուղղակի կամ անուղղակի ձևերով խոչընդոտվեց դա։ Տեղի չունեցավ դա, որովհետև մենք տեսնում էինք, որ պրոսեցները փորձ է արվում տանել այն ուղղությամբ, որ Հայաստանի ինքնիշխանությունը, տարածքային ամբողջականությունը իրավազորությունը նսեմացվի, ինչին մենք որևէ կերպ չէինք կարող համաձայնվել։ Որևէ մեկը չի կարող մեզ մեղադրել անկեղծ չլինելու մեջ, որովհետև մենք միշտ ասել ենք՝ դա մեզ համար կարմիր գիծ է․․․ Այս առումով իրադրության փոփոխությունն այն է, որ այս տեքստում շատ ավելի բացված է գրված»,– ասաց Փաշինյանը։